اهلا بكم جميلاتي....
معاكم فاطمه الزهراء وان شا الله هاقولكم النهارده علي طريقة حلوه اووووي لترطيب الشعر في الصيف وكمان تعطيره ...❤❤
كل اللي هتحتاجيه..:
1.علبة بخاخه فاضيه ومعقمه
2.ماء مقطرمن الصيدليه لو مش عندك استخدمي مياه معدنيه لكن مياة الحنفيه لاءءء لان فيها كلور واملاح بتضر الشعر اكتر👎
3.الجلسيرين وده المكون الاساسي لترطيب الشعر يا بنات بجد سحر في ترطيبه للشعر بيدي رطوبه ولمعان يجنن..👍👍👍
4.زيت لافندر وده هتلاقيه عند العطار لو مش بتحبي ريحته هاتي زيت ياسمين او اي زيت عطري بتحبيه
الطريقه :
هتملي العلبه بالمياه وهتسيبي ربعها فاضي...هتضيفي الجلسيرين حوالي معلقتين كبار ..وهتضيفي اللافندر حوالي معلقه صغيره.
طريقة الاستخدام :
طبعا شعرك لازم يكون نضيف وتكوني غسله شعرك كويس جدا واستخدميه سوا ء شعرك كان ناشف او مبلول..
النتيجه :
شعرك مترطب والهيشان اقل وكمان ريحته جميييييييله في الحر
اتمني اكون افدتكم ومتنسوش تتابعوني علي صفحتي علي الفيس بوك..وكمان قناتي علي اليوتيوب ❤❤
في امان الله......
تعليقات
إرسال تعليق